Am Dorfrand steht e Brunne,
de Schwengel is schun hohl;
dee weeß gar viel zu plausche
vun anno-dazumol.
Vun Liebe in de Heednacht
mit Bussle ohni Zahl,
vun Träne, die im Kummer
sin in de Brunne gfall.
De Werner schmaichelt ’s Susi,
de Holler blieht am Tor,
er hätschelt ’s un vertätschelt ’s
un fischpelt ’m ins Ohr:

Spitz mer doch dei Mäilche her,
kerschesießer Schatz,
uf deim Pipatschmäilche do
hätt jo meins grad Platz.
Schlaat de Rampasch Porzelbaam
in de Fässer drin,
juchjuchjuch-juheirassa,
muß die Hochzeit sin!

Am Sunntach spielt die Musich,
de Schwartematz haut nin;
im Saal e närrisch Trille,
daß Hoor un Fetze fliejn.
De Erwin schubst es Gunde,
de Horsti biejt ’s Marei;
die Händ un Haxe zawwle,
klingt ’s mol modern un nei.
Es Bier schoomt aus de Flasche,
es brennt so manches Ohr,
doch wann de Trummler inschlaat,
noh singe all im Chor:

Spitz mer doch die Mäilche her,
kerschesießer Schatz...


aus Jakob Vorberger: Wu die Pipatsch blieht – Gedichte in banatschwäbischer Mundart; Landsmannschaft der Banater Schwaben, München, 1994