Ach, liewe Freind ich werd noch doof,
han heit nacht jo gar nix g´schloof,
weil in mei´m Kopp soviel passiert,
han iwwer vieles nachstudiert.
Um 2 do sin ich erscht in´s Bett,
han glatt die Mollies noch geweckt,
es Zirkus wor a glei dann do,
"ja bist du bleed es is schon zwo",
un molly hat sich a nix gschiss,
hat in die Wadle mer gebiss.
Jetz frog ich Eich, hert mer gut zu,
wie soll mer finne do sei Ruh??

Weil ich des mach schon länger Zeit,
is des mit´m Alter a soweit,
ich manchmol glaub, ich tu schon schwebe,
un flieg glei raus aus diesem Lewe.
Doch wann ich dann in´s Forum schau,
for mich is wie a Supergau,
mei Aue strahle, ´s Herz des lacht,
vergess´ de wenich Schlof bei Nacht.
Un manchmol denk ich ganz verträumt,
was hätt ich alles doch versäumt,
wenn ich nit in einer schlaflosen Nacht,
die "Schwowefamilie" hätt aufgemacht.

Un weil ich des heit wees a g´wiss,
heit nacht de Schloof a wenich is,
ich werd mer mol Gedanke mache,
un dichte noch so manche Sache.
Werd glei heit owed mol probiere,
zu schreiwe iwwer unser Mitglieder,
werd jede einzelne jo lowe,
ich hoff, mit tu do keener towe.
Ich mach´s net schwowisch, weil´s net geht,
ich well dass jeder mich versteht.

So, jetz is Schluß, die Nacht ist um,
ich muss jetz arweide und d´rum
mach ich jetz a Punkt vor heit,
winsch eich all a gute Zeit.

.... un die Moral ....

Un wer des jetz net grad versteht,
um was es in der Gschicht do geht,
a gude Rat ich Eich jetz mach,
lest des ganze mol heit Nacht!