hängt im Wohnzimmer
an der Mauer.
Ich siehn mei Kinn
neigeerich drufschaue.



Schwarze Reck
un schwarze Koppticher,
gedrillte Schnauzbarte
in ernste Gsichter.

Es Mädche is intresseert
un will glei wisse,
forrwas merr sich frieher
so onziehe hot misse.

De Bu hot gelacht
iwwer dee Schnautzbartetrend
un weider vun seim
Computer gschwärmt.

E Weil hun ich loonich
vor dem Bild noo verbrung:
Was soll’s, die Kinn sin
forr so etwas doch noch zu jung.

Sie breiche bestimmt
noch bissje Zeit,
bis se vun loonich frooe:
Wer sin iwerhaupt die Leit?


[Ingolstadt, 1993]