- Gehst du uf’s Bal heit owed?
Do sin doch die Kulturtäch vun de Banater Schwowe. -
- Du musst err sin, freitachs oweds is doch ka Bal.
Was die dort mache is norr e Kulturprogramm.
Die singe un geie so jammrichi Musik,
wie merr se manchesmol am Fernseh sieht.
Sogar vun dem Mozart spille se e Lied.
Weger dem hun ich mol in der Schul e Vierer kriet.
Na, na, do gehn ich net hin. –
- De Samstach Morjet hun die Musikkapelle Konkurs. -
- Die sin doch vruckt!
Wer brauch schun vor Mittach de ehre Geblos?
Ins Saal sitze in aller frieh?
Na, na, do gehn ich net hin. -
- Vu’me Dichter un’re Ausstellung war aah die Redd. -
- Der Tisch is norr forr die ewwre Zehntausend gedekt.
Bilder hun ich schun genuch in meim Lewe gsiehn.
Na, na, do gehn ich net hin. -
- Namittachs mascheert de Trachtezug in die Kerch. -
- Des hun ich schun immer gfercht.
Die Einheimische wolle des doch gar net siehn.
Na, na, do gehn ich net hin. -
- Bei der Kundgebung wird e Minister redde. -
- Dem sei Gekwatsch werr ich mer net onheere.
Des hot doch alles gar ka Sinn.
Na, na, do gehn ich net hin. -
- Oweds werd Heimatabend gemach,
gsung un getanzt in schwowischer Tracht. –
- Forr was muss des grad samstachs sin?
Do will ich am Fernseh de Gottschalk siehn.
Na, na, do gehn ich net hin. -
- Zum Schluss is aah noch Tanz forr alles.
No spille die Johrmarker Musikante. -
- Forrwas hun se net die annre gholl?
Wie haaße die norr? So etwas mit Boys.
Awwer is jo wurscht! De Samstachowed sin ich mied.
Na, na, do gehn ich net hin. -

[Uf der Schanz, 1992]



Worterklärungen: du musst err sin = du musst dich irren; jammrichi = jammernde; Morjet = (der) Morgen; Konkurs = Wettbewerb; ewwre = oberen; gfercht = gefürchtet; forrwas = warum; haaße = heißen; mied = müde